Likar du å jobba med menneske? Då vel du kanskje helse- og oppvekstfagleg studieretning.
VG1 helse- og oppvekstfag er første skritt på veg mot arbeid innan helse og sosialsektoren, fritidsheim, barnehage og liknande. Du kan mellom anna verta helsefagarbeidar, ambulansearbeidar eller barne- og ungdomsarbeidar.
Fleire av kursa gir ein kombinasjon av skulegang og læretid i bedrift, slik at du får ei variert opplæring. Alle VG2-kursa gir grunnlag for inntak til allmennfagleg påbygging slik at du kan få generell studiekompetanse.
Vel du studieretning for helse- og oppvekstfag, kan du få forskjellige jobbar innan helse-, sosial- og oppvekstsektoren: i heimebaserte tenester eller på sjukehus, i barnehage eller fritidsheim, på tannlegekontor, legekontor eller apotek.
Som ambulansearbeidar sørger du for transport og akutt/livreddande behandling av personar.
Som barne- og ungdomsarbeidar kan du få arbeid i barnehagar, skular, skulefritidsordningar, klubbar og kommunale etatar.
Ein helsefagarbeidar jobbar med varierte arbeidsoppgåver innan praktisk pleie, omsorg og miljøarbeid i helse- og sosialtenesta.
