Studiespesialiserende utdanningsprogram

• Vg1: Ca. 20 % av elevane skal trekkast ut til eksamen i eitt fag, skriftleg, munnleg eller munnleg praktisk
• Vg2: Alle elevar skal trekkast ut til eksamen i 1 fag, skriftleg, munnleg eller munnleg-praktisk
• Vg3: Skal opp til 4 eksamenar. 1 obligatorisk eksamen i norsk hovudmål og 3 trekkfag
• Vg4: Påbygging til generell studiekompetanse: Skal opp til 3 eksamenar, 1 obligatorisk eksamen i norsk hovudmål og 2 trekkfag

Yrkesfaglege utdanningsprogram

• Alle elevar på Vg2 skal opp til ein obligatorisk tverrfagleg eksamen i programfag
• I tillegg skal ca. 20 % av elevane på Vg1 og Vg2 trekkast ut til eksamen i eitt fag. Andelen på 20 % skal sjåast over ein toårsperiode.

Sjekk at di datamaskin oppfyller dei tekniske krava som vert stilt for gjennomføring av eksamenen. Hugs å gjere dette før eksamensdagen! På same nettside får du og eit oversyn over hjelpemiddel som er tilgjengelege via Internett på eksamensdagen.

Pass på at all programvare du treng under eksamen er installert (skriveprogram, retteprogram, ordlister og liknande).

• Pass på at du veit korleis du skriv ut på skulen. Hugs at du må ha eit kort/ei brikke som eksamensvakta kan bruke til å få ut utskrifta med, du kan ikkje gå ut og logge på skrivaren sjølv
• Sjekk at datamaskina di fungerer som den skal
• Hugs å ta med ladar

Kontakt IT dersom du treng hjelp.

Sjekk at du har med deg dei hjelpemidla du kan bruke dagen før eksamenen. Til dømes:

• Bøker
• Legitimasjon
• Til realfagseksamen: Husk BLÅ penn
• Kalkulator
• Elevkort
• Linjal
• Osb

1. Møt opp klokka 08:30. Hugs å ha gjort alle nødvendige gjeremål før du går inn i lokalet
2. Eksamensansvarleg vil gi deg praktisk informasjon før eksamen startar, mellom anna korleis du leverer eksamen elektronisk
3. Ta frem legitimasjon. Du kan bruke elevkort dersom du er elev.
   Er du privatist må du ha med gyldig legitimasjon som bankkort, førarkort eller pass.
4. Mobiltelefon og smartklokker skal vere slått av og leggast fram på pulten til vakta. Det er ikke tillate å bruke øyretelefonar eller tilsvarande (unntak for eksamenar med ope Internett)
5. Godkjende hjelpemiddel kan leggast klar i eit hjørne på pulten eller på golvet.
   Etterpå plasserer du veska eller sekken framfor pulten din.
6. Eksamenskandidatar kan ikkje forlate eksamenslokalet før klokka 10:00
7. På norskeksamen: Hugs å påføre Hovudmål=nynorsk eller bokmål på mal-arket
8. Det er ikke tillate å kommunisere med andre elevar under eksamen
   Dersom du har behov for ekstra papir, ønsker å ta ein tur ut eller liknande, skal du alltid gi signal til ei eksamensvakt og vente til du får signal frå eksamensvakta før du reiser deg
9. Eksamen som vert skriven på papir: Øvst på alle svarark skal du skrive:
   • Eksaminandnummer/kandidatnummer. Dette får du frå eksamensvakta.
   • Eksamensdato
   • Fag og fagkode
   • Ark nummer og totalt antall ark
   Ikkje skriv namnet ditt nokon stader på svararka, kladdearka eller på fila som skal leverast. Pass og på at eventuelle skjermbilete du legg ved ikkje har namnet ditt nokon stad.
10. Dersom du nyttar ei datamaskin, hugs å lagre dokumentet ofte. Sjå etter kor du lagrar fila, og kva du kaller den, slik at du lett kan finne den igjen.
11. Elevkort/brikker/andre kort med RFID vert nytta for å få utskrift. Gi kortet til vakta når utskrifta skal hentast. Elevar skal IKKJE gå ut/inn av lokalet for å skrive inn brukarnamn/passord manuelt. Det er bare vakta som går ut. Det er lurt å ta utskriftene etter kvart slik at ikkje alt kjem på slutten, så har du anledning til å rette på eventuelle feil. Det kan vere nødvendig å lagre dokumentet som pdf før du skriv det ut.
12. Gi teikn til eksamensvakta når du vil levere inn besvaringa. Eksamensvakta kjem til deg, og tek imot besvaringa di. Kladdeark skal leveras inn med oppgåva dersom du er ferdig før eksamen er over
13. Juks og forsøk på juks fører til bortvising frå eksamenslokalet. For elevar som får eksamen annullert på grunn av juks eller forsøk på juks, fell standpunktkarakteren bort. Dersom eksamen i vidaregående opplæring vert annullert på grunn av juks eller forsøk på juks, kan kandidaten gå opp til eksamen i faget som privatist, tidlegast eitt år etter den annullerte eksamenen.

Det fins fleire hjelpemiddel du kan nytte på eksamen.

Om du vert sjuk på eksamensdagen må du med ein gong kontakte lege for å få legeattest. Når du er frisk kontaktar du skulen og dokumenterer sjukdom under eksamen med legeattest. Når du gjer dette får du rett til utsett eksamen i faget førstkommande haust.

Om du får karakteren ein i eit fag til eksamen, har du rett til ny eksamen i faget førstkommande haust. Har du fått karakteren ein i standpunktkarakter i eit fag har du rett til særskilt eksamen i faget.
 

• Skulen sender deg varsel via SMS når karakterane er offentleggjorde

Dersom du meiner at karakteren du fekk ikkje står i stil med det du leverte på eksamen, kan du klage på eksamensresultatet.